VALDEORRAS VIVE

Onde nace a viaxe, nace o cambio

Coñécenos

Valdeorras Vive é unha asociación que ofrece actividades culturais, educación non formal, voluntariado e programas de mobilidade Erasmus+ para a mocidade rural das comarcas de Valdeorras e do Bierzo. Fundada en 2019, o noso obxectivo é atraer talento, inspiración e novas ideas que sirvan como motor de cambio entre os máis novos.

Únete

Viaxa, explora e aprende con nós

descubre a nosa misión

Educación non formal para a mocidade

A educación non formal é unha poderosa alternativa aos métodos educativos tradicionais, centrada na aprendizaxe experiencial e no desenvolvemento de competencias clave. Nos nosos proxectos poderás aprender facendo, desenvolverte persoal e profesionalmente en espazos internacionais onde falamos de temas tan variados como o emprendemento, a historia, a expresión cultural, e todo tipo de cuestións sociais.

Proyectos Erasmus+ internacionais

Desde 2019, estamos orgullosos de ofrecer oportunidades de mobilidade internacional Erasmus+ á mocidade de Valdeorras e do Bierzo. O programa Erasmus+ é unha oportunidade única para viaxar ao estranxeiro en contornas de educación non formal para mozos, ofrecendo novos espazos de socialización, unha mirada crítica e o descubrimento de persoas novas e interesantes de países moi diversos.

Voluntariados e cursos de formación

Queremos animar á mocidade de Valdeorras a soñar cun futuro verde e sostible para a nosa comarca. Poñer fin á tendencia de despoboamento e abandono do rural esixe unha aposta pola innovación e a creación de novas iniciativas coas que os mozos e mozas poidan sentirse verdadeiramente orgullosos de optar por vivir en Valdeorras. Para iso, organizamos proxectos sobre temáticas locais, cos pés na terra e que nos permiten abordar directamente os problemas e inquedanzas da mocidade.

Promoción e desenvolvemento sostible de Valdeorras

Traballamos para promocionar e dar a coñecer no mundo Valdeorras, unha comarca rural situada na Galicia interior que agocha tesouros como a súa fascinante tradición vitivinícola ou o Camiño de Santiago de Inverno. Apostamos pola educación e a concienciación cara a un modelo de desenvolvemento sostible, para preservar todo o que nos fai únicos e promocionar Valdeorras e o seu patrimonio entre a mocidade.